اسعد الله اوقاتكم ايها الاصدقاء بتمنى اعرف رأيكن بهالموضوع اللي رح اطرحوا عليكن هلأ بهالعصر اللي نحنا عايشين فيه صار النت يعني هوس عند كل انسان يعني صار شي اساسي بحياته يعني اهم من اي شي انا باعتقادي انوا لازم الانسان يستخدمو بشي ضروري ومفيد للمجتمع مثلا في عمله بس هالايام صار الصغير والكبير بدو يدخل النت ويدردش مع الناس من كل البلدان وكل المحافظات السورية بس هون عم نلاقي مشكلة كبيرة وهي انو اغلب البنات عم تصير معن حالات مثلا حب عن طريق النت والبنت بتصدق الشب انو هوي عنجد بيحبها وبموت عليها واحيانا عم يصير لقاءات بين الشب والبنت طبعا اذا كانوا من نفس المحافظة وعم تتطور العلاقة بين الشب والبنت يعني شي خارج عن الاسلام والمعتقدات وما حدا عم ينضر من هالشي غير البنت
وتاني شي وهوي اهم شي بالنسبة الي هوي انو ليش كل مافاتت بنت عالنت بيفكروها انها غير محترمة ومانها مرباية ببيت اهلها وانو هي ما بتسوى شي هلأ كل انسان وعندو مشاكل وهموم يعني مافيها شي اذا البنت كانت واعية وفهمانة وتعرفت على اشخاص طبعا ضمن اصول الاسلام والدين واحترمت حالها واحترمت الشخص اللي عم تحكي معو
وفادت الاشخاص بشي مفيد هيي بتعرفوا وغيرها مابيعرف يعني صار عندي عقدة من هالشغلة انو البنت اللي بتدخل عالنت هي بنت مانها محترمة بتمنى تجاوبوني عن هالشي عن رأيكن عن النت بشكل عام مع احترامي لجميع الاصدقاء شكرا لكم
الرئيسية
